خدمات AWS: إعداد وإدارة السيرفرات السحابية لشركتك
بنية سحابية آمنة وسريعة بتكبر مع شغلك، وفاتورة مفهومة من أول يوم.
بنجهز وندير البنية السحابية على AWS للمواقع والمتاجر والتطبيقات وأنظمة الشركات: سيرفرات، قواعد بيانات، تخزين، شبكة آمنة، ونسخ احتياطي ومراقبة.
بنبدأ بتقدير واضح للتكلفة الشهرية قبل أي تنفيذ، والحساب بيتعمل بإسمك، وبنقولك بصراحة لو الاستضافة العادية أنسب لمشروعك.
إيه اللي بنعمله في AWS؟
| الخدمة | التفاصيل |
|---|---|
| إعداد البنية من الصفر | سيرفرات EC2 أو Lightsail، قواعد بيانات RDS، تخزين S3، وشبكة آمنة (VPC) |
| نقل موقعك أو نظامك لـ AWS | من استضافة مشتركة أو VPS، مع نقل البيانات والدومين من غير ما الموقع يقف وقت طويل |
| السرعة والتوسع | CloudFront لتوزيع المحتوى، وتوسع تلقائي (Auto Scaling) وقت الضغط والحملات |
| الأمان | صلاحيات IAM لكل مستخدم، شهادات SSL، جدار حماية للتطبيقات، وتقفيل المنافذ اللي مش محتاجها |
| النسخ الاحتياطي والاستعادة | نسخ تلقائية لقواعد البيانات والملفات، وخطة استرجاع مجربة |
| المراقبة والتنبيهات | CloudWatch لمتابعة الأداء والأخطاء وتنبيهك قبل ما المشكلة تكبر |
| تقليل الفاتورة | مراجعة الموارد اللي مش مستخدمة، واختيار المقاسات وخطط التسعير المناسبة |
| النشر التلقائي (CI/CD) | كل تحديث في الكود ينزل على السيرفر أوتوماتيك وبأمان |
إمتى AWS يناسبك؟ وإمتى لأ؟
AWS مش أحسن اختيار لكل حد. بنقولك رأينا بصراحة قبل ما تبدأ:
- مناسب لو: عندك تطبيق أو منصة أو متجر بزيارات كبيرة أو متغيرة، أو نظام شركة حساس محتاج نسخ احتياطي وأمان عالي، أو بتخطط تكبر بسرعة، أو عملاءك بره مصر.
- مش ضروري لو: موقع تعريفي بسيط أو مدونة. هنا الاستضافة العادية أبسط وأرخص بكتير.
الفاتورة: لازم تعرفها من الأول
AWS بيحاسب حسب الاستخدام الفعلي وبالدولار: وقت تشغيل السيرفرات، المساحة، ونقل البيانات للخارج. ده بيخليه مرن، بس من غير إعداد صح ممكن الفاتورة تفاجئك. عشان كده بنقدرلك التكلفة الشهرية المتوقعة قبل البداية، وبنضبط تنبيهات ميزانية على الحساب، وبنراجع الاستهلاك بشكل دوري.
حسابك ملكك
حساب AWS بيتعمل بإسمك وبيتدفع من كارتك، وإحنا بنشتغل عليه بصلاحيات محددة. لو وقفت التعامل معانا، كل حاجة بتفضل في حسابك.
مع البرمجة والأنظمة
أغلب الأنظمة والتطبيقات اللي بنبنيها بنجهزلها البنية على السحابة كمان، فبتستلم المشروع شغال على سيرفرات مظبوطة من أول يوم. شوف أنظمة ERP، وأنظمة CRM، وبرمجة التطبيقات، وتصميم المواقع.
إزاي بنبدأ
- مراجعة الوضع الحالي: الموقع أو النظام، الزيارات، والمشاكل اللي بتقابلك.
- تصميم البنية وتقدير التكلفة الشهرية قبل أي تنفيذ.
- الإعداد أو النقل مع اختبار كامل قبل التحويل.
- التسليم والتوثيق، وبعدها إدارة شهرية لو حابب.
التكلفة بتتحدد حسب حجم المشروع. اطلب عرض سعر أو احجز استشارة مجانية.
إعداد بنية كاملة
سيرفرات وقواعد بيانات وتخزين وشبكة آمنة.
نقل للسحابة
من الاستضافة المشتركة أو VPS بأقل توقف.
أمان ونسخ احتياطي
صلاحيات، SSL، جدار حماية، ونسخ تلقائية.
توسع وقت الضغط
السيرفرات بتستحمل الحملات والزيارات الكبيرة.
مراقبة وتنبيهات
متابعة الأداء والأخطاء أول بأول.
فاتورة تحت السيطرة
تقدير مسبق وتنبيهات ميزانية ومراجعة دورية.
رحلتك معنا
- 1
مراجعة
الوضع الحالي والاحتياجات.
- 2
تصميم وتقدير
البنية والتكلفة الشهرية.
- 3
إعداد أو نقل
مع اختبار كامل.
- 4
تسليم وإدارة
توثيق وإدارة شهرية اختيارية.
أسئلة شائعة
هل AWS مناسب لموقع صغير؟
غالباً لأ. للمواقع التعريفية والمدونات الاستضافة العادية أبسط وأرخص، وAWS بيفرق مع المنصات والمتاجر والأنظمة الأكبر.
فاتورة AWS بتتحسب إزاي؟
حسب الاستخدام الفعلي وبالدولار: السيرفرات والمساحة ونقل البيانات. بنقدرلك التكلفة قبل البداية ونضبط تنبيهات ميزانية.
حساب AWS باسم مين؟
بإسمك ومن كارتك، وإحنا بنشتغل عليه بصلاحيات محددة، وكل حاجة بتفضل معاك لو وقفت التعامل.
ممكن تنقلوا موقعي الحالي لـ AWS؟
أيوه، بننقل الموقع والبيانات ونختبر كل حاجة قبل تحويل الدومين.